CVO Gromar Landbou Akademie beloon elke jaar ’n ’n paar leerlinge wat erkenning ontvang vir buitengewone prestasies in die klas, op die sportveld, op kultuurgebied asook in die algemeen.
Hierdie leerlinge se deursettingsvermoë, toewyding en getrouheid staan uit en bemoedig ander om ook aan te hou hard werk.

Die leerlinge wat die hoogste toekenning op sportvlak behaal het is Annerikea Paissopoulos, Heinrich Pieterse en Stian Pretorius.

Annerikea ontvang ’n wisseltrofee vir haar deelname aan Bokkieweek netbal, sowel as Bokkieweek snelbal. Heinrich en Stian deel die wisseltrofee vir hul deelname aan Bokkieweek 15-Man rugby, sowel as Bokkieweek Sewesrugby.

Altus Erasmus verwerf die topprestasie vir 100% skoolbesoek vanaf graad 1 tot 7.

Leerlinge wat uitstaan vir sport binne skoolverband ontvang die toekenning vir sportvrou of sportman van die jaar in hul verskeie ouderdomsgroepe: Miané Cook en Hansie Bezuidenhout (o/6 tot o/9), Rumé Bezuidenhout (o/10 tot o/13) en Maria Pretorius en Daniël Roberts (o/13 tot o/19).

Die laer- en hoërskool Klasleerling van die jaar is vir uitsonderlike prestasie op die gebied van kultuur, leierskap, akademie en sport. Hierdie toekenning het gegaan aan Altus Erasmus in die laerskool-afdeling.
Die hoërskool Klasleerlinge is Clara Barnard en Erik Rautenbach.