Die kontrakteur is reeds van verlede Donderdag af in Wesstraat opgemerk met masjinerie, gereed om met die opknappingswerk te begin.

Volgens mnr. Willie Oosthuizen, wykraadslid, is dieselfde kontrakteurs gebruik wat die spoedwalle op strategiese areas van Groblersdal aangebring het verlede jaar.

Na die nuwe teerlaag voltooi is in Wesstraat, sal drie beplande spoedwalle aangebring word in Krugerstraat, voor Herfsakker in Barlowstraat en in Blesbokstraat.

Die gemeenskap word gevra om geduldig te wees terwyl hierdie werk voltooi word en word padverbruikers gewaarsku dat dele van dié strate moontlik gesluit kan word vir verkeer.

• Twee spoedwalle is reeds gister (Woensdag) laatmiddag in Barlowstraat aangebring. Die spoedwalle is egter nog nie geverf nie en word inwoners gemaan om versigtig te wees.

Lees ook hier: Spoedwal nou opgesit voor Herfsakker!