Marble Hall: Nagtelike padwerke en verkeersomleiding
Daar sal vanaf Maandag padonderhoudswerk gedurende die nagtelike ure in Marble Hall gedoen word.
SANRAL (Suid-Afrikaanse Nasionale Padagentskap) het ’n kennisgewing uitgereik dat nodige padonderhoudswerk Maandag, 27 Oktober in Marble Hall sal begin.
Waar en wanneer
Die padonderhoudswerk sal strek vanaf KFC tot by die Marble Hall begraafplaas op die N11, vanaf 27 Oktober, tot Vrydag, 12 Desember, elke nag vanaf 18:00 tot 06:00.
Om die veiligheid van werkers en padverbruikers te verseker, sal die verkeer gedurende hierdie ure omgelei word.
Veiligheidsborde, padtekens en personeel sal in plek wees om padverbruikers deur die alternatiewe roetes te lei.
Vertragings
Vertragings kan voorkom as gevolg van die omleiding en voortgesette padwerke.
Motoriste word egter aangeraai om hul roetes vooraf te beplan.
Die padagentskap vra verskoning vir enige ongerief wat veroorsaak word en waardeer padverbruikers se begrip terwyl hul werk daaraan om die toestand van die pad te verbeter.
