Marmer hou leierskamp en veldskool
CVO Marmer se graad ses en graad sewe leerlinge het gaan kamp op Dullstroom.
CVO Marmer was die gasheer van die graad ses leierskamp en veldskool vir graad sewes.
Hierdie twee geleenthede het plaasgevind vanaf 13-15 Oktober by Elandskloof in Dullstroom.
Die leerlinge het vroegoggend vertrek en die reis was vol musiek en opgewondenheid tot by hul bestemming.
Met hul aankoms is daar afgepak, uitgepak en speletjies gespeel.
Daardie nag is daar in die buitlug geslaap en malvalekkers gebraai en kon hulle die jakkalse hoor in die verte.
Die volgende dag het die leerlinge brugkamp toe gestap, ontbyt geëet en aan lekker speletjies en kompetisies deelgeneem as deel van spanbou-aktiwiteit en om mekaar te leer ken.
Daar is baie geleer en gelag.
Voor etes het spanne gebid en het almal dan daarna geskree: “Kos is op die tafel!”
Almal is dit eens dat hulle nooit hierdie ervaring sal vergeet nie.
