Groblersdal: Padwerke duur voort in Herefordstraat
Die instandhoudingswerk in Herefordstraat duur vandag voort met een van elk van die dubbelbane in beide rigtings wat gesluit is.
Padwerke in Herefordstraat (N11) in Groblersdal tussen Design a Sign en Volkswagen Groblersdal het vanoggend uitgebrei tot voor die Sasol vulstasie.
Daar is een baan van elk van die dubbelbane in beide rigtings gesluit.
Padwerkers wys steeds vir motoriste waar om te ry en al die nodige padtekens is opgerig.
Padonderhoudswerk het reeds op 23 Oktober op die N11 in Voortrekkerstraat vanaf Groblersdal Gholfbaan begin.
Elias Motsoaledi Plaaslike Munisipaliteit het bevestig dat algemene instandhouding op die pad gedoen word en word motoriste aangeraai om spoed te verminder in die area.
•As jy weet van ongelukke, mis, groot slaggate en ander obstruksies op die paaie wat verkeer kan beïnvloed, skakel of stuur vir ons ’n WhatsApp (met ’n foto of video, indien moontlik) na 082 575 7016.
