Wees versigtig! Slaggate in Groblersdal word herstel
Motoriste word gewaarsku om versigtig te wees terwyl die slaggate op die N11 (Herefordstraat) in Groblersdal herstel word.
Konstruksiewerkers is tans besig om die slaggate op die N11 in Herefordstraat by Coastal Hire in Groblersdal te herstel.
Die yslike slaggate het gedurende Desember 2025 gevorm op die N11 en is veral gevaarlik vir motoriste op dié pad, wanneer ander voertuie vir hierdie slaggate uitswaai en in die ander baan inry.
Die dubbelbaan vanaf Gunmar na die NG Kerk in Groblersdal is gesluit, terwyl die herstelwerk plaasvind. Een van die dubbelbane vanaf Design a Sign na JAC Motors in Herefordstraat is geopen vir verkeer vanaf Marble Hall.
Daar is konstruksiewerkers wat vir motoriste aandui waar om te ry en padtekens is in plek om motoriste te waarsku.
• As jy weet van ongelukke, mis, groot slaggate en ander obstruksies op die paaie wat verkeer kan beïnvloed, skakel of stuur vir ons ’n WhatsApp (met ’n foto of video, indien moontlik) na 082 575 7016.
