Groblersdal: Padwerke en verkeerslig kan verkeer belemmer
Motoriste in Groblersdal word gewaarsku dat die padwerke op die N11 (Voortrekkerstraat), asook die stukkende verkeerslig in dié straat, verkeersopeenhopings veroorsaak.
Konstruksiewerkers is tans besig om slaggate te herstel op die N11 in Voortrekkerstraat tussen die Volle Evangelie Kruisgenerasie Kerk in Groblersdal en die Loskop Gimnasium.
Hierdie padwerke volg nadat konstruksiewerkers reeds die slaggate verlede week begin herstel het op die N11 in Herefordstraat.
Die dubbelbaan vanaf die Volle Evangelie Kruisgenerasie Kerk en die Loskop Gimnasium is tans gesluit terwyl herstelwerk plaasvind.
Een van die dubbelbane vanaf Middelburg se rigting (Hoërskool Ben Viljoen) na die dorp (Haarhoffstraat se rigting) is oop vir verkeer op pad na Hoërskool Ben Viljoen en Middelburg. Die ander baan word gebruik vir verkeer vanaf Middelbug na Groblersdal.
Daar is konstruksiewerkers wat vir motoriste aandui waar om te ry en padtekens is in plek om motoriste te waarsku.
Die padwerke, asook die verkeerslig by Hoërskool Ben Viljoen wat al vir ’n geruime tydperk buitewerking is, veroorsaak verkeersoppeenhopings, veral in spitstye.
Motoriste word gewaarsku om versigtig te wees. Verkeersvloei-probleme ondervind kan word tussen 06:00 en 09:00, 12:00 en 14:00, asook 17:00 en 18:30.
• Padverbruikers word ook gewaarsku om versigtig te wees, aangesien daar motoriste is wat nie die verkeerswetgewing volg deur by dié verkeerslig te stop terwyl dit nie werk nie.
