Padwerke en verfwerk kan verkeer belemmer
Motoriste word gewaarsku dat padwerke tans op die N11 (Voortrekkerstraat) voortduur en dat stoptekens en spoedhobbels tans in Haarhoffstraat geverf word, wat verkeer kan belemmer.
Konstruksiewerk op die N11 (Voortrekkerstraat) duur vandag voort en vind direk voor die Al Falaah Islamic Centre plaas.
Die dubbelbaan voor die Al Falaah Islamic Centre, die baan vanaf Middelburg na Groblersdal, is tans gesluit tot voor Haarhoffstraat.
Behalwe vir die slaggate wat herstel word, is die Elias Motsoaledi Plaaslike Munisipaliteit ook tans besig om stoptekens en spoedhobbels in Haarhoffstraat oor te verf.
Hierdie instandhoudingswerk , kan die verkeer belemmer, veral wanneer Hoërskool Ben Viljoen vir die dag sluit en leerlinge by die skool gehaal moet word.
Motoriste word gewaarsku om ’n ekstra tydjie te beplan vir ’n moontlike verkeersopeenhoping.
• As jy weet van ongelukke, mis, groot slaggate en ander obstruksies op die paaie wat verkeer kan beïnvloed, skakel of stuur vir ons ’n WhatsApp (met ’n foto of video, indien moontlik) na 082 575 7016.
