Tumi Mphahlele se verkiesing tot ’n sleutelpos getuig van haar leierskap, deursettingsvermoë en integriteit.

Sy is aangewys as die ondervoorsitter van die Verteenwoordigende Leerlingraad van die Departement van Onderwys in die Sekukhune Suid Distrik.

Hierdie verkiesing was oop vir alle leerders wat deel vorm van dié distrik, wat hierdie prestasie nóg meer betekenisvol maak. Dit getuig in die vertroue wat mede-leerders en opvoeders in haar vermoëns het.

Om op distriksvlak verkies te word, is ’n besondere eer en ’n groot verantwoordelikheid.

Hoërskool Ben Viljoen is besonder trots op Tumi en wens haar alle sterkte en wysheid toe om haar rol te vervul.

Lees ook: Slaggat-geteisterde pad kry uiteindelik aandag