Inwoners van Groblersdal kan uitsien na koeler weerstoestande later vandeesweek, met reën wat moontlik vanaf Donderdagaand en Vrydag verwag word.

Vandag (Dinsdag) sal egter sonnig wees met ’n maksimum temperatuur van 29°C, terwyl die temperatuur teen vanaand tot sowat 14°C sal daal.

Woensdag bring aangenamer en koeler toestande met son en enkele wolke. Die maksimum temperatuur sal na verwagting 24°C bereik, met ’n minimum van 13°C gedurende die nag.

Teen Donderdag word meer sonskyn gedurende die dag verwag, maar dikker wolke sal later die aand begin opbou. Reën kan plek-plek voorkom met ’n 55% kans vir neerslae. Die temperatuur sal deur die aand afkoel tot ongeveer 14°C.

Vrydagoggend kan inwoners op plekke ligte reënbuie verwag, waarna bewolkte toestande geleidelik sal opklaar met sonskyn wat later terugkeer. Die kans vir reën staan op 61%, terwyl die maksimum temperatuur 25°C sal bereik. Die minimum temperatuur sal gedurende die nag tot 12°C daal.

Saterdag word sonnige toestande voorspel met ’n maksimum van 28°C en ’n minimum van 12°C.

Sondag sal daar gedeeltelike sonskyn wees met temperature wat weer tot 29°C styg, terwyl die minimum temperatuur op 12°C verwag word.

Lees ook: ’n Leeftyd in blou: Kolonel tree af