Sloering met lykshuiskrisis in die Vrystaat gekritiseer
Tans is net drie van die sewe staatslykshuise in die provinsie operasionee
Die Demokratiese Alliansie (DA) gaan die Vrystaatse LUR vir Gesondheid, Monyatso Mahlatsi, in die Wetgewer bevraagteken oor die departement se stadige en onvoldoende reaksie op die toenemende lykshuiskrisis in die provinsie.
Die party sê hy soek duidelikheid oor hoe die LUR van plan is om noodsaaklike forensiese patologie-dienste tydens hierdie krisis te verseker, sonder om die waardigheid van die oorledenes en die regte van die treurende families in gedrang te bring te midde van wydverspreide sluitings.
Die DA sê nog drie staatslykhuise in die Vrystaat – Botshabelo, Bethlehem en Phuthaditjhaba , is gesluit. Die Bloemfonteinse staatslykshuis, is in Oktober 2024 deur die Departement van Arbeid gesluit weens nie-nakoming.
Voor die optrede deur die Departement van Arbeid was ses uit sewe lykshuise – naamlik Phuthaditjhaba, Bethlehem, Botshabelo, Welkom, Sasolburg en Kroonstad – steeds operasioneel.
Tans is net drie van die sewe staatslykshuise in die provinsie operasioneel, met Bloemfontein wat net gedeeltelik funksioneer.
