Slaggate is reeds ‘n geruime tyd besig om vir inwoners in Nieuwestraat ‘n groot kopseer te veroorsaak, veral op die hoek van Nieuwe- en Smitstrate en waar Nieuwe- en Maherrystraat in Miederpark kruis. By daardie areas is daar veral slaggate wat deur vragmotors veroorsaak word wat goedere aflewer.

Volgens inwoners in die area kan hulle gereeld swaarvoertuie hoor wat daardie straat in plaas van die N12 gebruik. Sodoende het die padinfrastruktuur intussen verswak wat groot slaggate in die pad veroorsaak wat hoofsaaklik verby talle residensiële huise gaan en oor twee wyke (wyk 5 en wyk 15) strek.

Nog ‘n dilemma is dat die pad soms te nou is vir vragmotors en ander verkeer om die pad gelyktydig te gebruik.

* Die Herald het die J.B. Marks munisipaliteit om kommentaar genader, maar teen druktyd nie terugvoer ontvang nie.