Berts Bricks Atletiekklub hardloop vir viervoetige vriende
109 Deelnemers het aan 'n 4 of 8 km-wedloop deelgeneem met inskrywings wat kontant, honde en katkos of beddegoed ingesluit het.
Berts Bricks Atletiekklub het Dinsdag, 19 Maart ‘n pretdraf ten bate van Potchefstroom Animal Welfare Society (PAWS) aangebied om geld vir ‘n goeie doel in te samel.
Die fondse wat ingesamel is het direk vir PAWS gegaan om ‘n verskil in talle diere se lewens te maak. Drawwers het ook soos hul gunsteling diere aangetrek om spesiale pryse te wen – sodoende is die prettigheid verder vergroot.
Volgens Dominique Saayman, ‘n lid van Berts Bricks Atletiekklub het die beplanning hiervoor het al vroeg Februarie afgeskop en was dit “merkwaardig om te sien hoe verskillende besighede bereid was om deel te wees van hierdie liefdadigheidswedloop.”
Alex Fourie was eerste in die 4km wedloop in 16:37 en Lourens Combrinck (42:40) eerste in die 8km wedloop.
Wehan van Rooyen en Francois Viviers van Nog ‘n Dag in Potch het vir die vermaak vir die dag gesorg.
Die items wat ingesamel is sluit in, sakke hondekos, katkos, komberse en kontant ter waarde van R2700 wat vir PAWS die volgende oggend geskenk is.
Saayman bedank al die borge wat tot die sukses van die pretloop bygedra het.
