Leerders van Laerskool Mooirivier het die naweek aan die Super 12 Laerskole Bybelvasvra in Pietersburg deelgeneem.
Tokkies het hulle Bybelkennis gewys en het ‘n 5de plek uit 18 skole verwerf.
Sonja Coetzer-Nel, ‘n oud Tokkie-onderwyseres, het die leerders geluk gewens.
“Baie geluk aan hierdie Tokkies wat moes ken, wat vinnig moes wees, wat korrek moes skryf en wat kalm moes bly. Baie geluk aan julle onnies wat julle so geleer en ge-drill het. Baie geluk aan julle ouers. En laaste maar beslis nie die minste nie, julle ken gedeeltes in die Woord uitstekend goed en kan ‘n paar van ons se kennis daarvan weer opskerp. Baie geluk Tokkies met ‘n puik prestasie.Julle is vir seker ook verryk hierdeur,” het die skool in ‘n verklaring gese.
