Gimmies klink ‘n glasie op ‘n suksesvolle jaar

Gimmies het onlangs die jaar op ‘n hoogtepunt afgesluit. Alle ondersteuners van die skool is by The Roots vir ‘n geselligheid ontvang. Dit is die skool se manier om dankbaarheid aan die skool se ondersteuners te wys.

“Ons het groot waardering vir elke Gimmie-vriend, -ondersteuner, -ouer en borg wat die jaar bankvas agter ons gestaan het. Danksy julle bydrae kan die skool die leerders se belange op die hart dra en uitnemendheid bevorder,”
het die skool gesê.