Petrolverbruikers sal moontlik minder betaal vir petrol in Desember, terwyl dieselverbruikers ‘n moontlik verhoging in dieselpryse in die gesig staar.

Nuwe data van die Sentrale Energiefonds dui op ‘n moontlike daling in die petrolprys vir Desember, maar diesel se prys sal moontlik styg.

Data toon ‘n klein daling van tussen 5 en 16 sent per liter vir petrol, terwyl dieselpryse ‘n moontlike verhoging van ongeveer 38 sent per liter kan verwag.

Sou huidige marktoestande tot die einde van die maand voortduur, sal dit tot ‘n gemengde resultaat vir brandstof lei.

Markte was egter baie wisselvallig teen November en ontleders verwag dat hierdie wisselvalligheid vir ‘n rukkie sal voortduur – wat beteken dat die finale uitslag heel anders kan wees.

Dit is die verwagte veranderinge:

• Petrol 93: afname van 16 sent per liter
• Petrol 95: afname van 5 sent per liter
• Diesel 0,05% (groothandel): verhoging van 40 sent per liter
• Diesel 0,005% (groothandel): verhoging van 38 sent per liter