Die man wat op die Metodiste kerk se dak vas gesit het, is omstreeks 12:40 vandag (14 Januarie) van die dak af gered.

Die polisie en brandweer was op die toneel om die man te help. Volgens Christiaan Haefele, bedryfsbestuurder van Mooirivier Beskerming, blyk dit of die man werksaam op die dak van die kerk was, maar later te bang was om af te klim.

Nooddienste het ongeveer 40 minute gespook om die man veilig weer op die grond te kry.

Volgens Haefele is het ER24 die man bygestaan nadat hy van die dak afgekom het.

“Hulle het net gekyk dat alles onder beheer is. Hy is gelukkig ongedeerd en stabiel,” het Haefele gesê.