Die nuutgestigte Potchefstroom Gymnastics Academy het ’n trotse mylpaal bereik toe sy artistiese gimnaste onlangs hul Noordweskleure by die provinsiale kampioenskappe ontvang het.

Daarby het die klub se Vlak 4 en hoër gimnaste, Zia Kruger (Vlak 4), Ameriah Potgieter (Vlak 4) en Anje Fourie (Vlak 6), ook gekwalifiseer om die provinsie by die Nasionale Gimnastiek Kampioenskappe in Oktober te verteenwoordig.

’n Spesiale vermelding gaan aan Tylor Greyling (Vlak 1) wat die groot eer ontvang het om gekies te word vir die gesogte Best of the Best nasionale kompetisie vir seuns gimnaste.

“Ons is ongelooflik trots op ons gimnaste se harde werk en deursettingsvermoë. Hierdie suksesse wys dat die toekoms van ons klub baie belowend is,” het Jan-Paul Thiart, direkteur en afrigter van die klub, gesê.