Die nuwe brandstofpryse het om middernag op 3 Desember in werking getree en motoriste gaan hierdie feesseisoen meer moet opdok om met vakansie te gaan.

Motoriste betaal van Woensdag af 29c per liter meer vir 95- en 93-oktaan petrol. Die groothandelprys van diesel het ook gestyg. Motoriste sal nou 65c per liter meer moet betaal vir diesel met ‘n swaelinhoud van 0,05%, en 82c per liter meer vir diesel met ‘n swaelinhoud van 0,005%.

Paraffien styg met 99c per liter en gas met 24c per kilogram.