‘n Spesiale Vat Verniet-tafel vir kinders sal op 20 Desember om 12:00 by Mooirivier Beskerming vir behoeftige kinders en hulle ouers gehou word.

Die dag sal afskop met ‘n Kersdiens. Ouers sal ‘n kospakkie vir die gesin ontvang. Die dag is wel gefokus op behoeftige kinders.

Kinders sal die geleentheid kry om ‘n kersgeskenk, klere, skryfbehoeftes en lekkernye te kry. Daar sal ook vermaak soos springkastele, speletjies en vele meer vir kinders op die dag beskikbaar wees.

Donasies vir ouers en kinders word egter steeds benodig. Enige donasies kan 24/7 by Mooirivier Beskerming se kantore afgelaai word. Vir verdere navraag kan Angelique by 067 080 2757 gekontak word.

Benodighede vir kinders:

• Speelgoed
• Koekies, lekkers, skyfies
• Kersversieringe
• Skryfbehoeftes
• Kinderklere

Benodighede vir kospakkies:

• Meel
• Suiker
• Tee
• Olie
• Aanmaakkoel-drank
• Soya mince
• Soppoeier
• Toiletpapier
• Seep