Netwerk24 berig dat die sanger Refentse glo vanoggend (24 Januarie) deur ‘n muur van ‘n huis in Potchefstroom geploeg het.

Volgens Kapt. Mvula Chaka, polisiewoordvoerder, is geen dossier van die voorval nog geopen nie.

“Die bestuurder het op die toneel om verskoning gevra. Daar is geen klag teen hom ingedien nie. Dit blyk dat die eienaar van die huis en die bestuurder ‘n ooreenkoms bereik het,” het Chaka gesê.

Hy het bevestig dat die naam van die bestuurder, Refentse Quinton Morake is.  Volgens Chaka het hy beheer van die voertuig verloor waarna hy deur die muur is.

Potchefstroom het gisteraand (23 Januarie) en vanoggend (24 Januarie) onder erge donderbuie gebuk gegaan.