Amira Willighagen, die bekende sangeres en oud-Potch Gimmie wat in 2022 met agt onderskeidings matrikuleer het, het tydens haar Stichting Gelukskinders by die Residentia Ouetehuis in Bethulie vir ‘n wonderlike optrede gesorg.

Amira het op 19 Maart opgetree in die Residentia Ouetehuis. Haar oorlede Ouma Else se suster Nettie de Goede en haar man Hennie de Goede is inwoners in Residentia. Amira het CD’s vir haar tante gestuur, maar het die kans om te kan optree met twee hande aangegryp. Willighagen het die aria “O Mio Babbino Caro”, “Zoals Vrienden Doen”, “How Great Thou Art”, “Jerusalem”, “The Lord’s Prayer”, en “Halleluja” deur Annelie van Rooyen opgetree.

Willighagen was op ‘n Stichting Gelukskinders-toer van Potchefstroom na die Kaap waar sy in Franschhoek saam met ‘n plaaslike inisiatief ‘n speelparkie opgerig het vir kinders by twee creches in minderbevoorregte gebiede. Die Stichting Gelukskinders het al 18 speelparkies rondom Potchefstroom opgerig wat deur die afgelope 9 jaar steeds onderhou word.

“Later wanneer ek ouer is sal ek seker maak daardie kinders kry ‘n speelparkie.” Dit was die woorde van sewe-jarige Amira wat saam met haar ma, Frieda Brand, deur Ikageng gery het en opgelet het dat daar geen speelparkies vir die kinders is nie. Met tyd het die Stichting Gelukskinders ontstaan, ‘n stigting wat speelparkies bou en onderhou vir kinders,

Amira en haar ma Frieda was baie verras deur die hartlike verwelkoming wat hulle in Bethulie ontvang het, en het besluit om dit in te sluit by hul roete Kaap toe wanneer Amira haar musiekstudie volgende jaar daar sal begin.

Besoek https://www.gelukskinders.org/en/ om meer te leer oor Stichting Gelukskinders, asook hoe jy ‘n bydrae kan maak.