Slaggate op die hoek van Luke- en Retief-, asook OR Tambo- en Wolmaransstrate is reeds vir ‘n geruime tyd vir motoriste ‘n kopseer. Albei hoeke dra swaar verkeer, veral met die nuwe jaar wat nou weer volstoom aan die gang is.

Die Herald was Maandagmiddag, 8 Januarie omstreeks 12:00-12:30 by hierdie hoeke en kon sien hoe motoriste die groot slaggate, wat ‘n groot oppervlak van die pad bevat, probeer vermy.

Motoriste moet of stadig deur die gate kruip of van baan verwissel om die gate heeltemal te vermy.

Volgens munisipale woordvoerder, Jeanette Tshite, het die Paaie- en Stormwaterafdeling inspeksie gedoen. Die Afdeling sal spanne op ‘n gereelde basis uitstuur om probleme op te los.