Laerskool Mooirivier se talentvolle bergfietser, Janco Serfontein, het onlangs sy merk in die sport gemaak. Die 10-jarige Gr 4-leerling, wat al van kleins af ‘n passie vir fietsry het, het in Julie besluit om sy liefde vir die sport ‘n stap verder te neem deur aan die skool se bergfiets klub deel te neem. Sy afrigter, Elna Moody, het vinnig Janco se potensiaal raakgesien en hom die nodige vaardighede aangeleer.

Janco se harde werk het begin vrugte afwerp toe hy in die NW Schools MTB series sy eerste plek in Noord-Wes verower het en sy Noord-Wes kleure ontvang het. “Ek is so opgewonde om vir my skool en provinsie te verteenwoordig,” het hy gesê. “Fietsry is nie net my passie nie, maar dit gee my ook die kans om nuwe vriende te maak.”

Op 19 Oktober het Janco sy vaardighede getoets op die Inter-Provinsiale Kampioenskappe in Harrismith, waar hy ‘n indrukwekkende derde plek in sy kategorie behaal het. “Dit was ‘n baie uitdagende wedren, maar ek het my bes gedoen,” het hy gesê.

Die volgende dag het hy Noord-Wes verteenwoordig by die Nasionale Skole Bergfiets Kampioenskappe, waar hy sy groot deurbraak behaal het deur die eerste plek in sy ouderdomsgroep te wen. “Ek kan dit nie glo nie! Dit was my droom om eerste te eindig,” het Janco opgewonde gedeel.

Janco se prestasies is ‘n inspirasie vir sy mede-leerlinge en ‘n bewys van sy toewyding en passie vir bergfietsry. Met sy talent en vasberadenheid is daar geen twyfel dat Janco ‘n blink toekoms in die sport voorlê.