Volkies se nuwe direkteur van rugby en atletiek het op 1 September sy plek in geneem.

Alhoewel, die man wat die skool se rugby en atletiek vorentoe gaan dryf nie ‘n vreemde gesig is nie. Nicol Degenaar, is al sedert 2023 by Volkies as ‘n rugby afrigter betrokke. Hy het al die o.16s en o.14s gebrei, vanjaar het hy as spesialis afrigter en analiseerder by die skool gehelp.

Die boorling van Klerksdorp en matrikulant van Hoërskool Wesvalia het sy Bsc graad in menslike beweegkunde en fisiologie voltooi waarna hy as video analiseerder vir Code Green begin werk het. Die maatskappy het video analise vir verskeie Varsity Beker spanne onder andere die NWU, gedoen.

Daarna het hy by ‘n maatsakppy gewerk as ‘n werwer, waar hy atlete en gehelp het om beurse na universiteite soos UCLA, Princeton en Texas te kry.

“Dit gaan alles oor geleenthede, en dit pas so mooi in by wat ek by Volkies wil bereik. Dit gaan oor geleenthede, die crux met Volkies se rugby en atletiek is om die kind eerste te sit en die kind te ontwikkel sodat ons die beste moontlike ateleet en speler aan die einde van hulle matriek jaar kan lewer,” het Degenaar verduidelik.

Hy is nie ‘n besem wat gaan skoonvee noodwendig nie. Volkies se 1ste XV het onlangs die Noordvaal-bowl eindstryd gewen.

“Ek wil graag voortbou op die tradisies en kultuur wat reeds hier is. Ons het ‘n goeie span afrigters met goeir strukture in plek, so ons is baie bevoorreg,” het hy gesê.