Motoriste word versoek om die N12- en R500-kruising naby Fochville te vermy.

Daar heers tans chaos op die pad weens ‘n groot betoging in die area. Dit het verkeer tot stilstand gebring.

Volgens die Carletonville Herald het ten minste 70 betogers van Kokosi die kruising geblokkeer. Die inwoners betoog oor ernstige watertekorte.

Die voortdurende waterkrisis spruit uit Rand Water wat die voorsiening van water aansienlik beperk het omdat die munisipaliteit meer as R1.4 miljard aan hulle skuld.

Terwyl plaaslike en provinsiale verkeersowerhede, saam met die polisie, op die toneel is, het hulle nog nie daarin geslaag om die protes op te klaar of normale verkeersvloei te herstel nie.

Motoriste wat tussen Potchefstroom en Westonaria reis, word aangeraai om die N12/R500-kruising te vermy en eerder die R501 deur Carletonville as ‘n alternatiewe roete te neem.

Dit bly onduidelik wanneer die pad weer sal oop wees.