Hoër Volkskool Potchefstroom se leerders het die afgelope week ongeveer 7000 mielies aan ouetehuise, kinderhuise en welsynsorganisasies en arm gebiede geskenk om die skool se gemeenskapsbetrokkenheid verder te versterk.

Hierdie mielies is deel van Volkies se suksesvolle oesdag wat op Donderdag, 26 Februarie plaasgevind het. Volkies het ongeveer 7 500 mielies op hul eerste oesdag verkoop.

Hierdie inisiatief is gekend van die vrug wat die skool se Landbou departement dra. Hierdie spesifieke groenmielie-oes is op ’n 4,5 hektaar stuk grond geplant. Die leerders het die afgelope jaar praktiese landbou-ervaring opdoen en kon tydens die oesdag hul sukses met die gemeenskap deel. Seweduisend mielies is ook deur al die klasse van Volkies tydens die mielieplukkompetisie gepluk.

Die skool noem ook dat die oes hul grootste verwagtinge oortref het.

Volkies beoog om ‘n wintersgewas te plant en ook hul tonnels in die nabye toekoms te begin benut sodat Volkies Landbou nog verder sal groei.