Marli Kruger is die gelukkige wenner van Potchefstroom Herald se 2025 Bruid van die Jaar kompetisie.

Marli se wenprys is ‘n naweek vir twee by Emerald Resort & Casino wat twee aande by ‘n hotel met ontbyt insluit. Verder behels die prys ook ‘n ete by Graze Restaurant sowel as ‘n wildrit en bootrit.

Marli was uit haar vel uit opgewonde en dankbaar toe sy hoor dat sy as die wenner aangekondig is. Sy het met ‘n totaal van 146 stemme gewen.

Marli is met Gerrit Kruger op 1 Maart 2025 getroud.

Skryf in vir Potchefstroom Herald se 2026 Bruid van die Jaar kompetisie!

Potchefstroom Herald se Bruid van die Jaar kompetisie vir 2026 is amptelik oop vir inskrywings.

Die kompetisie strek oor die tydperk Januarie tot Desember 2026.  Stuur gerus jou inskrywing nadat jy getroud is.

Foto’s kan ge-epos word aan Penelope by penny@mooivaal.co.za.  Tesame met jou foto, stuur vir ons die bruid en bruidegom se naam en van, datum van hul troue en in watter dorp hulle gevestig is.