Die afgelope naweek 12 en 13 Maart is die klubkampioenskappe van die Potchefstroomse Buiteklub gehou. ‘n Totaal van 75 spelers het ingeskryf om in drie afdelings (A-afdeling tot en met ‘n 9 voorgee, B-afdeling van 10 tot 15 voorgee en C-afdeling vanaf 16 tot 36 voorgee) te speel.

Die spelers het skitterende gholf gespeel en ‘n totaal van 3 arende en 193 voëltjies is oor die twee dae behaal. Die gemiddelde rondte vir die A-afdeling was 76,8, B-afdeling 88,9 en C-afdeling 95. Daar is ook in ouderdomsgroepe meegeding.

Die wenners in die ouderdomsgroepe is:

Juniors (o.19): Christiaan Burke met 143 houe (-1)

Mid Amateurs (tussen 30 en 50): Christo Peens met 142 houe (-2)

Seniors (tussen 50 en 60) : Simon Pretorius met 157 houe

Super seniors (bo 60 jaar) : Joe Wood met 149 houe

Die wenners in die Nett-afdelings (na voorgee afgetrek is) was:

A-afdeling: Juan Combrinck met ‘n netto telling van 136

B-afdeling: Lappies Labuschagne met ‘n netto telling van 139

C-afdeling: Lourie van der Merwe met ‘n netto telling van 140.

 Die klubkampioene vir 2016 is:

A-afdeling: Francois Kruger met ‘n telling van 138 (-6): Die klubkampioen.

B-afdeling: Manie Smit met ‘n telling van 156

C-afdeling: Johan Coetzee met ‘n telling van 171

*Die kompetisie op Woensdag 9 Maart het uitgereën.

*Die volgende groot geleentheid by die klub is die Willows-toernooi wat oor die Paasnaweek, 25 tot 28 Maart aangebied word. Dit is ‘n parespel-kompetisie oor vier dae, met pryse vir elke dag, asook vir die naweek. Die formaat van elke dag verskil, wat die kompetisie net meer interessant maak