Die jaarlikse Berts Bricks 5, 15 en 32 km padwedloop vind eerskomende Saterdag 6 Mei weer by Potchefstroom Dam Ontspanningsoord plaas. Die wegspring vir die 15- en 32 km is om 07:00 en die 32 km stappers spring reeds om 06:30 weg. Daar is ook ‘n pretloop van 5 km wat om 07:05 wegspring.

Die inskrywings vind reeds van 05:45 by die wegspring plaas. Daar is kategoriepryse en medaljes vir al die deelnemers. Die 32 km kos R80, 15 km  R60 en die 5 km R30. As jy nie ‘n 2017 lisensienommer vir die 15- en 32 km wedlope het nie, moet jy ’n tydelike lisensienommer teen R30 koop. Vir nadere besonderhede kan Chantelle Pat by 073 466 9158 of Theo Coetzee by 083 538 3162 gekontak word.