Tydens die afgelope naweek se NWU Prestige-reeks wintersport, het die o.19A netbalspan van Hoër Volkskool Potchefstroom die span van Noordheuwel op hul neuse laat kyk met ‘n 34-33 oorwinning.
Ook op die hokkieveld het die senior seunsspan, met goeie hokkie, as oorwinnaars van die veld gestap met ‘n 5-4 uitslag.
Die junior tennisspan van Volkies het egter vir die naweek se beste uitslae gesorg met hulle wen van 59 stelle teenoor 11.
Op die rugbyveld maak Volkies nie hond haaraf nie en verloor al hulle wedstryde. Die eerstespan verloor met 12-36 teen ‘n top Noordheuwel span.

Hier is foto’s van die eerste span se wedstryd teen Noordheuwel (Foto’s: Wouter Pienaar)