Daar was ‘n tyd toe HTS Potchefstroom ‘n gerekende teenstander in Noordwes skolerugby was en gereeld vir Volkies sowel as Gimmies les opgesê het.

HTS Potchefstroom spog ook met bekende alumni soos Deon van Rensburg, Naas Olivier, Robert du Preez sowel as Kleinjan Tromp, seun van die legendariese Mielieboer, Jan Tromp.

Dit was juis Kleinjan Tromp wat in 1992 die eerste span van HTS tot ‘n Noordwes-sege teen Hoër Volkskool Potchefstroom gelei het.

Tromp het ‘n briljante wedstryd gespeel en HTS het met 17-8 geseëvier. Ander Tegnies spelers wat op hierdie dag uitgeblink het was, Neels Maritz en Henkie Vermeulen.

Volkies se Hanu Nel sowel as Stoffel Nagel kon nie veel op hierdie dag met hulle talente doen nie, en moes met tweede plek tevrede wees.

Lees die berig uit die argief hieronder: