In 2002 het Australië en Suid-Afrika, in die derde eendagwedstryd van sewe, mekaar in Potchefstroom op Senwespark aangevat.
In ‘n riller van ‘n stryd op 29 Maart 2002 het die Aussies se Jimmy Maher met ‘n vasberade 43 (32) dit reggekry om die Proteas se wenpoging te stuit en ‘n gelykop-uitslag te forseer.
Suid-Afrika se Jacques Kallis het die laaste boulbeurt geboul met Australië wat 11 lopies vir ‘n oorwinning gekort het met slegs een paaltjie oor.
Op die ou einde kon Nathan Hauritz, die nommer 11-kolwer, die nodige lopie van die laaste bal af slaan om ‘n unieke gelykop uitslag te bewerkstellig.
Vroeër die dag het SA 259/7 in hul 50 boulbeurte aangeteken. Dit danksy ‘n goeie 71 (101) van Jacques Kallis en ‘n aggressiewe 83 (74) van Jonty Rhodes.
Die Proteas se Makhaya Ntini met 4/33 was die tuisspan se beste bouler. Vir die Aussies het Matthew Hayden ‘n pragtige 78 opgestel.
Die Aussies het hierdie eendagreeks met 5-1 gewen.
