Die Luiperds o.20 het gister teen die Leeus o.20 in die SA o.20 bekerwedstryd op Olënpark amper ‘n sege behaal nadat hulle 25-7 voor was met half-tyd.

Die Luiperds moes wel sien hoe die moontlike oorwinning uit hulle kloue geruk word met die Leeus wat met ‘n puik tweede helfte vertoning ‘n 34-32 oorwinning behaal. 

Hannes Esterhuizen se span sal terugkyk na verbroude geleenthede in ‘n wedstryd wat so maklik na die Luiperds se kant toe kon gaan. Die Luiperds het die wedstryd fantasties begin en ‘n 18-0 voorsprong na 25 minute geneem.

Janko Cloete, Jakkie Eloff en Chyle van Zyl het vir die Luiperds in die eerste helfte gedruk. Die haker en kaptein, Vernon Paulo het die laaste sê gehad met ‘n drie in die doodsnikke om sy span twee kosbare bonuspunte te gee.

Die Leeus is nou onoorwonne tweede op die punteleer met 22 punte. Die Luiperds is op 14 punte en moet die komende wedstryd op 8 Oktober teen die Haaie in Durban wen om ‘n plek in die halfeindstryd te bespreek.  

Foto’s: Mario van de Wall