Laerskool Baillie Park het Vrydag, 15 Oktober hul 22ste jaarlikse gholfdag aangebied met so ‘n ietsie ekstra wat dié gholfdag spesiaal gemaak het.
Vir die eerste keer in Baillie Park se geskiedenis kon die leerders ook aan die gholfdag deelneem met ‘n unieke kompetisie wat die gholfspeler en afrigter, Riaan Swart, aangebied het.
Kyk die video hier:
Leerders het aan ‘n verste dryf-kompetisie deelgeneem en gewys dat hulle al van jongs af die bal kan laat trek. Hierdie inisiatief gee jong kinders vir die eerste keer blootstelling aan gholf. Dit is ook ‘n manier om hulle van jongs af betrokke te kry en ‘n liefde vir die sport te leer.
Swart het sy studio-fasiliteit by die Buiteklub vir die doel beskikbaar gestel. Hy het ‘n simuleerder gebruik om die afstande te meet. Elke kind het vyf balle geslaan en die een wat die verste trek, word dan getel. 
“Ek het die fasiliteit vir hulle geleen en dan ook die data opgevang. Ons wou graag aan die kinders die blootstelling gee,” verduidelik Swart.
Hier is die wenners van die dag:
Seuns:
o.9 Liam Vermaak: 105,8m
o.11 Johannes Jansen van Rensburg: 161m
o.13 Lukas Kotzé: 184m
Dogters:
o.9 Selmay Taylor: 31,2m
o.11 Keila Tromp: 64,3m
o.13 Megan Isherwood: 89,5m
Buiten die leerders se kompetisie, was daar soos gewoonlik groot pret en baie pryse op die spel vir die volwasse spelers op hierdie gholfdag wat in die snikhete son plaasgevind het.
