Dit is beslis aartjie na sy vaartjie as ‘n mens na Cor Leijenaar en sy seun Rico, kyk.

Die trotse pa en seun het albei met silwermedaljes vir Noordwes weggestap tydens die 2021 SA Tweekampkampioenskappe wat Saterdag, 30 Oktober in Port Elizabeth (Gqeberha) gehou is.

Cor en Rico, wat by Potchefstroom Gimnasium skoolgaan, is albei ywerige atlete in hierdie sportsoort. Hulle het hul staal gewys tydens hierdie kompeterende nasionale byeenkoms.

Albei het aan die Sprint Race deelgeneem wat uit ‘n 5 km draf, 20 km fietsry en weer 2.5 km draf bestaan. Cor het in die 50-54 jaar ouderdomskategorie deelgeneem en Rico in die 16-19 jaar kategorie.