Bert’s Bricks Atletiekklub het onlangs hulle jaareindfunksie gehou waar hulle die toppresteerders met die meeste kilo’s vanjaar op hulle voete, vereer het.
Mariette Koen het ‘n totaal van 1217 kilometers afgelê en kry ‘n silwer medalje en die trofee vir die dame met die meeste kilometers in Klub 500.
Isabella Jansen wen die trofee vir die stapper met die meeste kilo’s met ‘n totaal van 1174.3 kilometer.
Julie Conradie kry ‘n ‘dogtag’ vir haar 587.8 kilometers, terwyl Morne Jansen, 561 kilometers, die trofee vir die man met die meeste kilo’s (Klub 500) kry.
Klaudia Angula behaal ‘n bronsmedalje vir haar 550.4 kilometers en Mari van Heerden kry ‘n ‘dogtag’ vir haar 502.4 kilometers vanjaar.
Zelma Olivier behaal ‘n totaal van 1011 kilometers om haar ‘dogtag’ vir die agtste jaar te ontvang. Sy kry ook die trofee vir die dame met die meeste kilometers in Klub 1000. Berts Bricks Atletiekklub se klublede is ook hard aan die oefen vir die Great Brick Run wat op 22 Januarie plaasvind. 
