Luister die storie hier:
Die twee Van Zyl tennis-sussies het weer hierdie afgelope maand in ‘n nasionale toernooi geskitter.
Mari-Louise van Zyl (16), ‘n Gimmie leerder wen die vrouetitel in die Gauteng Central Growthpoint Super 8-toernooi in Johannesburg. Die eerste gekeurde, Mari-Louise, kry die oorhand teen Ané Dannhauser met ‘n 6-2 6-3 sege. Haar sussie, Jahnie, doen dieselfde en wen ook die enkelspel titel in die o.16 dogters-afdeling. Wat hierdie oorwinning merkwaardig maak is dat Jahnie (13) nog ‘n laerskoolleerder in Mooirivier is.
Jahnie klop vir Allegra van der Walt 6-3, 6-1 in die eindstryd.
Albei hierdie tennisspelers is verbonde aan die NWU/Riaan Venter Tennisakademie.
