Die top atlete van Potchefstroom Gimnasium is tydens ‘n erkenningsfunksie op Donderdag, 11 Mei by The Roots Lifestyle Centre vir ‘n uitmuntende atletiekseisoen vereer.
Talle Gimmies het vanjaar op nasionale sowel as internasionale vlak hulle skool met trots verteenwoordig.
Sandri van Rooyen (100m en 100m hekkies) sowel as Sihle Mahlangu (400m) het Suid-Afrika by die CAA Junior en Jeugatletiekkampioenskappe in Zambië verteenwoordig. Hulle het sodoende albei die Gimmie-ambassadeur toekennings ontvang.
Foto’s: Wouter Pienaar
Hulle twee afrigters, Werner Burger (Van Rooyen) en Martin Marx (Mahlangu) is ook met trofees vereer as die afrigters van die jaar vir 2023.
Die spiesgooier, Stephané Hook, was ook uitstekend op individuele vlak vanjaar. Sy is ‘n dubbel SA kampioen nadat sy goud by die ASA Junior en Jeugkampioenskappe en die SA Skole Atletiekkampioenskappe in spiesgooi behaal het.
Hoogtepunte sluit in die feit dat Gimmies se atletiekspan volgende jaar aan die A-bond van die Super Interhoër sal deelneem nadat hulle die B-bond vanjaar gewen het.
Op plaaslike vlak was Gimmies ook as Noordwes Interhoër-wenners gekroon.
Anika Botes, Logan Botes, Jahndre Coetzee, Anchen Schutte, Mikayla Swanepoel, PC Schutte, Suné Greeff en Seegers du Plessis is ook in Gimmies se eerster atletiekspan opgeneem.
‘n Eretoekenning is aan oom Tommie Ferreira vir 45 jaar se atletiek-afrigting by Gimmies gegee. Hierdie legendariese afrigter is ‘n ikoon by Gimmies wat al talle atlete na groot hoogtes gelei het.
Die SA-kampioen in die mans 3000m, Jerry Motsau, het ook ‘n kort motiveringspraatjie op die aand gelewer om die atlete te inspireer om groot hoogtes te bereik.
Toekennings is as volg:
Beste naelloop-atleet: Sihle Mahlangu
Beste hekkie-atleet: Sandri van Rooyen
Beste worpe-atleet: Stephané Hook
Beste middelafstand-atleet: Rico Leijenaar
Junior Victrix Ludorum: Stephané Hook
Junior Victor Ludorum: Righardt Joubert
Senior Victrix Ludorum: Sandri van Rooyen
Senior Victor Ludorum: Sihle Mahlangu
Laerskool atlete wat aan SA’s deelgeneem het is ook vereer:
| Naam & Van | Skool | Item(s) |
| Imke Bornman | Baillie Park | Gewigstoot & Diskusgooi |
| Ruan Cloete | Fonteine Laerskool Sasol | Spiesgooi |
| Ninke de Bruin | Schweizer | Gewigstoot & Diskus |
| Dewald de Villiers | Ottosdal | Gewigstoot & Diskus |
| Francois de Villiers | Baillie Park | Gewigstoot & Diskus |
| Xandri Dreyer | Baillie Park | Hoogspring |
| Dianie du Preez | Mooirivier | 200m hekkies |
| Lezanke Pienaar | Baillie Park | 100 & 200m |
| Aninka Strauss | Schweizer | 200m hekkies |
| Rudolf Swanepoel | Fonteine Laerskool Sasol | 100m, 80m hekkies & 200m hekkies |
| Renate van der Merwe | Mooirivier | Stap |
| Zuan van Riet | Parys | Hekkies |
Hoërskool atlete van Gimmies wat aan SA’s deelgeneem het is ook vereer:
| Naam & Van | Item(s) |
| Anika Botes (14) | 100m, 200m & 90m hekkies |
| Logan Botes (14) | Gewigstoot & Diskus |
| Stephane Hook | Spiesgooi & Gewigstoot |
| Mathilda Liebenberg | 800m & 1500m |
| Jahndre Coetzee | Spiesgooi |
| Righardt Joubert | 100m, 100m hekkies & verspring |
| Ghiesla Bosch | Gewigstoot |
| Doneli Steynberg | Gewigstoot & Diskus |
| Stefanie Bamm (16) | Hoogspring |
| Tihard Strydom (16) | 800m & 1500m |
| Anchen Schutte (16) | 800m & 1500m |
| Mikayla Swanepoel (16) | Verspring & Naellope |
| Suné Greeff | 400m hekkies & Verspring |
| Sandri van Rooyen | 100m & 100mH |
| Alri Verster | 800m & 1500m |
| Sihle Mahlangu | 400m & HS |
| PC Schutte | 800m &1500m |
| Abigail Viljoen | 1500m & 3000m |
| Seegers du Plessis | Hoogspring |
| Ilané Herbst | 800m & 1500m |
| Rico Leijenaar | 1500m & 3000m |
