Volkies se eerste rugbyspan het vir ‘n tweede naweek in ‘n ry ‘n goeie sege teen opposisie in die Virseker Noordvaalbeker behaal.

Hierdie afgelope Saterdag (13 Junie) het Volkies vir Brandwag met 29-12 in ‘n oorkruiswedstryd in Benoni geklop. Die haker, Peet Fourie het ‘n driekuns van drieë gedruk om sy span ‘n 17-0 voorsprong te gee.

Die losskakel, Kyle Hattingh het ‘n pratige onderskepdrie gedruk nadat hy vinnig gedink het in sy eie 22. Die binnesenter, River Sameul het die wen met ‘n drie op die einde beklink.

Volkies se o15A’s het met 20-17 gewen terwyl die o14B’s met 27-0 die knoop deurgehak het.

Brandwag het al die ander wedstryde gewen.

Volkies is steeds in die laaste plek op die Bowl-Wes punteleer met 117 punte. Hul is 16 punte agter Jeugland wat in die vyfde plek is.