Die Potchefstroomse hoërskole bergfietsryers van Gimmies en Volkies was verlede naweek (Saterdag, 1 Augustus) op hul stukke tydens die Noordwes XCO ligabyeenkoms in Vryburg.
Op klipperige terrein diep in die Noordwes het albei skole se fietsryers hul goed van hul taak gekwyt.
Volkies se Lian Louw was eerste in die Junior mans-afdeling met Janco Stemmet in die derde plek in dieselfde wedren.
Gimmies se Hanru Odendaal is eerste in die subjunior seuns-afdeling. By die jeug-afdeling skitter Gimmies ook met Mieke Erasmus wat ‘n tweede plek behaal en Alex Fourie wat sy briljante seisoen voortsit met nog ‘n eerste plek in die Jeug Seuns-afdeling. Phillip Moodie (tweede) en Dian Scholtz (derde) maak dit ‘n vol podium vir Gimmies.
At Caxton, every story is written by humans. We use AI only to perform quality checks - never to generate the news. Happy reading!
