Hierdie afgelope Saterdag (26 September) het drie oud-leerders van Hoër Volkskool Potchefstroom saam vir Sishen Rugbyklub van Kathu uitgedraf teen die Northwood Crusaders (Durban) in die Gold Cup.

Berno Brits (matriekklas van 2024) het op flank gespeel, Hancke Brits (2021) op losskakel en Wilbur Kock (2022) op buitesenter. Al drie se rugbypaaie het hul na Kathu gelei.

Sishen het als in hul vermoë gedoen om die wedstryd te wen maar het uiteindelik met 14-15 vasgeval.

Om saam met oud-skoolmaats in ‘n kompetisie soos die Gold Cup te speel, wys hoe skoolrugby ‘n speler se pad kan vorm lank na die laaste skoolklok lui. Vir Berno, Hancke en Wilbur was die naweek ‘n kans om hul klub op die groot klubverhoog in Suid-Afrika te verteenwoordig.