Laerskool Mooirivier se tennisspelers van verskeie ouderdomme het vandaf 21 tot 28 Oktober opslae by die Noordwes-tenniskampioenskappe gemaak en van die spanne het as die kampioene weggestap.

Die o/13A tennisseuns en -dogters het Maandag 21 Oktober aan die Noordwes-finaal deelgeneem en teen vyf ander skole gekompeteer. Die meisies is weer gekroon as die Noordwes-wenners en die seuns as Noordwes-naaswenners.

Die o/11A tennisseuns het Woensdag 23 Oktober aan die Noordwes-finaal deelgeneem en het algeheel vierde geeïndig.

Die o/9 tennisseuns en -dogters het op Maandag 28 Oktober aan die Noordwes-finaal deelgeneem en die seuns het as die Noordwes-kampioene weggestap en die dogters het derde geeïndig.

“Ons is baie trots op elke speler wat die skool verteenwoordig het,” het die skool in ‘n verklaring   gesê.