Jong ruiter galop oor 80 km wenstreep
Uithouritruiter, AJ Blom, het stof in die ander ruiters se oë galop tydens die H.H.SH. Khalid Bin Hamad Al Khalifa Uithouritbeker-toernooi
POLOKWANE – Hoërskool Pietersburg gr. 11-leerder en uithouritruiter, AJ Blom ken van uithou en aanhou.
Hy het dit bewys toe hy onlangs, teen strawwe kompetisie die H.H.SH. Khalid Bin Hamad Al Khalifa Uithouritbeker-toernooi in Bahrein gewen het.
Op die rug van sy perd, Kosoara het hy in die 80 km uithourit stof in die ander ruiters se oë galop. Alhoewel die kompetisie taai was het AJ nie toegelaat dat dit hom afskrik nie.
Bo en behalwe AJ se eerste plek het die span waarvoor hy gery het, Shaikh Salman Bin Saquer Al Khalifa, ‘n tweede plek verower en hulle het ‘n Toyota FJ Cruiser gewen.
“Bahrein, waar ons deelgeneem het, is net ‘n eiland omring deur die see, daar was net ‘n paar bome en verder was dit net woestyn,” vertel AJ.
Lees Review hierdie week om te deel in AJ se ongelooflike prestasie en ervaring in Bahrein.
