EntertainmentLocal newsNewsNews
Morné en Carla as Gauteng se 2024-fietsrykampioene gekroon
Morné van Niekerk en Carla Oberholzer het die elite-kategorieë van die Gauteng-padfietskampioenskap by die Aloe Ridge Primêre Skool in Walkerville gewen.
WALKERVILLE. – Carla Oberholzer, van die Cycle Nation-fietsryspan, het vroeg in die wedren weggebreek en loshande die elite wedren vir vroue gewen.
Haar spanmaats, Joanna van de Winkel en Lisa Boné, het onderskeidelik die tweede plek en die derde plek behaal.
Morné van Niekerk, wat in Frankryk vir die St. Michel/Mavic/Auber93-fietsryspan ry, het die wedren vir elite mans gewen nadat hy en Kent Main kort voor die halfpadmerk weggebreek het.
Kent het op een van die laaste heuwels aangeval, maar Morné het ‘n teenaanval geloods en vir Kent weggery om die oorwinning te behaal.
Ruan du Plooy, Kent se spanmaat, het die derde plek behaal.
*Lees meer oor die Gauteng-padfietskampioenskap in Vrydag se Vaalweekblad.
At Caxton, we employ humans to generate daily fresh news, not AI intervention. Happy reading!
