VANDERBIJLPARK – Honderde duisende liter water is reeds vermors en die Emfuleni Munisipaliteit (ELM) doen glo niks daaraan nie.

Daar is twee waterlekke in die stadium een in Conradie straat en een in Ben Johnson straat.

So sê Frank Benson een van die inwoners. “Dit is hartseer om die water so te sien vermors. Dit lek al seker vir vier maande. Ons het al die raadslede in die wyk en die munisipaliteit gekontak niks gebeur nie. Ons is raadop,” sê Benson

Volgens Kallie Lewis is die twee lekke op dieselfde hoof watertoevoerpyp verbind.

Vaalweekblad het die munisipaliteit om kommentaar genader.