MIDVAAL. – Raadslid Salome Janse van Rensburg van Risiville het die onaangename reuk wat inwoners met katpiepie vergelyk, opnuut met owerhede opgeneem nadat klagtes die afgelope naweek weer geopper is.

Janse van Rensburg sê sy het aan die parlement geskryf om te vra dat die reuk in die Vaaldriehoek en elders in Gauteng ondersoek word.

Volgens haar neem sy die saak ook met die Sedibeng-distriksmunisipaliteit op.

Ek het aan die parlement geskryf om te vra dat hulle die reuk in die Vaaldriehoek ondersoek.

Sy sê sy wil die departement van gesondheid betrek omdat sy bekommerd is oor die moontlike uitwerking op inwoners se gesondheid.

Die kantoor van die minister van bosbou, visserye en die omgewing het intussen ontvangs van haar korrespondensie erken.

In die skriftelike antwoord sê die kantoor die saak sal onder die betrokke amptenare se aandag gebring word vir oorweging en dat terugvoer mettertyd verskaf sal word.

Janse van Rensburg sal verdere inligting te deel sodra sy terugvoer ontvang het.