Local news
Interessante oggend saam met Afrikaanse skrywer
Daar is lekker gekuier en baie gesels by die boekbespreking van Die Dekonstruksie van Retta Blom. Die boek is ook in 'n rolprent omskep.
VANDERBIJLPARK – Die Vanderbijlpark Leeskring het Donderdagoggend saam met die bekende skrywer, Zelda Bezuidenhout gekuier.
Hulle het ook van die geleentheid gebruik gemaak om Zelda se boek, Die Dekonstruksie van Retta Blom, te bespreek.
Die leeskring se tesourier, Tina van Vuren het as gesprekleier opgetree en Zelda al die vrae gevra waaroor die lesers gewonder het.
Lynette Cilliers van die leeskring sê dit was ʼn wonderlike oggend en almal het die kuier baie geniet.
Die Vanderbijlpark Leeskring kry gereeld skrywers om deel van hul boekbesprekings te wees. Hulle kom gewoonlik op Donderdae oggende bymekaar.
Kontak gerus vir Lynette by 082 593 5964 indien jy belangstel om by die leeskring aan te sluit.
At Caxton, we employ humans to generate daily fresh news, not AI intervention. Happy reading!
