SASOLBURG – Die Primêre Skool Fonteine het vroeër vandeesmaand sy jaarlikse Donkie Derby aangebied as fondsinsamelingsgeleentheid vir die skool.
Die aand het deelnemers die geleentheid gebied om op die denkbeeldige donkies te wed, met die wedrenne en ander aktiwiteite wat vir ’n gesellige aand gesorg het.
’n Donkie Derby is ’n gewilde fondsinsamelingsformaat waarin ’n nagemaakte perdewedren gebruik word om geld vir ’n skool of organisasie in te samel. Deelnemers kan onder meer op hul gunsteling-donkie wed, terwyl kaartjieverkope, borgskappe en ander aktiwiteite tot die fondsinsameling bydra.
Fonteine het die geleentheid as ’n sukses bestempel en sy dank uitgespreek teenoor die ouers, personeel, borge en ander ondersteuners wat tot die aand bygedra het.
