Fotograwe: Terug natuur toe!
Natuurfoto's is altyd 'n wenner en lekker om na te kyk. Vandag se foto-oes deur die "lockdown-fotograwe" fokus dus op Moeder Natuur.
Van Vaalweekblad se lesers en volgers het aan die begin van die nasionale inperking besluit om die beste van die saak te maak en hulself besig te hou deur mooi foto’s in en om die huis te neem. Heelwat van die fotograwe is nou weer terug by die werk en het ook nou die geleentheid om effens verder as net by hul huise foto’s te kan neem.
Van die fotograwe het sommer hul selfone vir die taak ingespan. As jy dalk ‘n mooi foto of twee het om te deel, stuur dit gerus na elsje.vermeulen@media24.com – en as jy met jou selfoon ‘n foto wil aanstuur, whatsapp dit na 083 417 1059. Stuur asb. jou naam en van saam, asook so bietjie inligting oor die foto (bv. in watter dorp die foto geneem is, die troeteldier se naam ens.).
Die eerste groep foto’s van die lockdown-fotograwe het reeds in 3 Junie se uitgawe van Vaalweekblad verskyn. Die tweede groep verskyn môre 10 Junie. Die treffendste en geskikste foto’s vir “print media” sal voortaan op ‘n weeklikse basis in Vaalweekblad gepubliseer word!
- Vaalweekblad het reeds nog ‘n paar foto’s ontvang wat môre sal verskyn.
Mary-Ann Nagel van Drie Riviere, Vereeniging het die foto geneem. 
Elsje Vermeulen van Vanderbijlpark het die natuurfoto geneem. 
Bennie Henning van Germiston het die mooi foto van ‘n vetplant geneem. 
Carla Pretorius, voormalige joernalis van Vaalweekblad, het die pragtige natuurfoto in ‘n park in haar nuwe tuiste (Abbotsford, Kanada) geneem. 
Eileen Pretorius van Alberton het die pragtige helderkleur foto geneem. 
Hanti Pretorius van Vereeniging het die kunstige mooi foto geneem. 
Hennie Coetsee van Meyerton is voorwaar ‘n meester agter die kamera. Hy het die pragtige foto in sy tuin geneem. 
Johan Froneman van Vanderbijlpark is ‘n kranige fotograaf met ‘n voorliefde vir die natuur wat duidelik deur sy pragfoto bewys word. 
Karin Cronjé van Standerton maak elke oggend die beste van haar uitstappies en het die pragtige foto geneem. 
Dis werklik winter! Kirsty Jacobs van Sasolburg het die pragfoto van die kaal bome geneem. 
Monica Warren van Richardsbaai het die foto geneem. Die natuur is net wonderlik, jy moet mooi kyk om hom op die klip raak te sien! 
Ria Viljoen van Garsfontein het die natuurlike tekstuur foto geneem. 
Anita Bester van Kempton Park het die pragtige makrofoto geneem. 
Jenny Botes van Vanderbijlpark het die mooi foto geneem van die geveerde vriendjies wat vergadering hou. 
Rudolph de Wet sê hy het fiets gery toe hy op die beesskedels in die gebrande veld langs die R59 afgekom het. Dit maak voorwaar baie emosies in mens wakker! 
Pierre Fourie van Vanderbijlpark het die pragtige landskapfoto geneem.
